Waziri wa Mambo ya Ndani ya Nchi, Patrobas Katambi amewasilisha Taarifa ya Utekelezaji wa Majukumu ya Mamlaka ya Vitambulisho vya Taifa (NIDA) na Masuala ya Idara ya Uhamiaji. Waziri Katambi amewasilisha taarifa hizo mbele ya Kamati ya Kudumu ya Bunge Ya NUU jijini Dodoma
Serikali kupitia Wizara ya Mambo ya Ndani ya Nchi imesema itahakikisha uhamiaji salama ili kulinda usalama wa nchi, raia, mali,usalama wa kikanda na usalama wa kimataifa huku ikisisitiza maendeleo ya Uchumi, Ajira, Utamaduni, Siasa yatafanyika bila kuathiri usalama na kulinda tunu ya amani na kuzingatia haki za binadamu.Hayo yamesemwa na Waziri wa Mambo ya Ndani ya Nchi, Patrobas Katambi wakati akizindua Mfumo wa Uratibu wa Kitaifa kuhusu Uhamiaji Nchini
Waziri wa Mambo ya Ndani ya Nchi,Patrobas Katambi na Waziri wa Mambo ya Nje na Ushirikiano wa Afrika Mashariki,Balozi Mahmoud Thabit Kombo wamekutana na Mkurugenzi Mkuu wa Shirika la Kimataifa la Uhamiaji(IOM),Amy Pope ambae ameongozana Mkurugenzi wa Kikanda wa Pembe ya Afrika na Afrika Kusini,Frantz Celestin na Mkuu wa Shirika la Kimataifa la Uhamiaji(IOM)Tawi la Tanzania,Ashraf Hassan na Mkurugenzi wa Mawasiliano wa Shirika la Uhamiaji(IOM),Mohammed Abunajela.
Naibu Waziri wa Mambo ya Ndani ya Nchi, Mhe. Ayoub Mohammed Mahmoud, ameupongeza Mkoa wa Lindi pamoja na wananchi kwa mafanikio yaliyopatikana katika kudhibiti migogoro kati ya wakulima na wafugaji. Ayoub ameyasema hayo katika Maadhimisho ya Nane Nane mkoani Lindi
Naibu Katibu Mkuu wa Wizara ya Mambo ya Ndani ya Nchi, Dkt. Franklin Rwezimula ameongoza kikao cha kupitia taarifa zitakazowasilishwa katika Kamati za Kudumu za Bunge kwa mwezi Agosti 2026. Jijini Dodoma
Mwenyekiti wa Baraza la Taifa la Usalama Barabarani ambaye pia ni Naibu Waziri wa Mambo ya Ndani ya Nchi, Ayoub Mohammed Mahmoud amesema Serikali inaendelea kuimarisha usalama barabarani nchini kupitia usimamizi madhubuti wa leseni za udereva, hususan kwa madereva wa mabasi na malori wenye leseni za Madaraja C na E.
Naibu Waziri wa Mambo ya Ndani ya Nchi, Ayoub Mohammed Mahmoud, amesema zaidi ya ajira 500 zinatarajiwa kuzalishwa kupitia uwekezaji unaoendelea Visiwani Zanzibar katika sekta ya utalii huku zaidi ya ajira 300 zisizohitaji utaalamu mkubwa zikitengwa kwa wananchi wa jimbo la Chaani na Wilaya kwa ujumla . Mhe. Ayoub ameyasema hayo Aprili 12, 2026 aliposhiriki Mapokezi ya Mbio za Mwenge wa Uhuru katika Jimbo la Chaani
Waziri wa Mambo ya Ndani ya Nchi,Patrobas Katambi amefanya Kikao Kazi na Viongozi wa Dini nchini huku akiwaeleza Viongozi hao kuwa ameteuliwa na Rais Dkt.Samia Suluhu Hassan kuwa daraja Kati ya Viongozi wa Dini na Serikali ambapo amewaambia milango iko wazi kwa viongozi hao kuongea na kushauriana na serikali ikiwemo utoaji wa maoni mbalimbali kwa serikali lengo ikiwa kudumisha tunu ya Amani na kuhakikisha kuwepo kwa Utulivu nchini.
